Kryeministri Edi Ram bëhet i pari kryeministër këto 30 vite që merr një ftesë zyrtare nga homologu i tij anglez. Agjenda e tij do të jetë e ngjeshur pasi fillimisht do të takohet në London School of Economics. Më pas do të jetë në parlamentin anglez nga ku do të takohet me disa deputetë, të cilët përmes retorikës së tyre kanë qenë tërësisht anti-shqiptarë pas 13 mijë shqiptarëve që arritën ilegalisht në Britaninë e Madhe. Edi Rama dhe delegacioni më pas do të jenë në 10 Downing Street. Nuk pritet ndonjë marrëveshje e re, por zbatimi i marrëveshjes së nënshkruar nga dy kryeministrat në dhjetor ku Britania e Madhe angazhohet ta ndihmojë Shqipërinë ekonomikisht dhe kërkon që qeveria të angazhohet në luftimin e emigrimit ilegal në Britaninë e Madhe. Me interes pritet ajo se çfarë do thotë kryeministri Edi Rama nëse gjatë takimit me homologun Rishi Sunak do kërkojë shtimin e lejeve të punës për qytetarët shqiptarë apo shtimin e vizave për punëtorët sezonalë. Kryeministri edi rama do bëjë të pamundurën të marrë më të mirën e mundshme në aspektin ekonomik, në ndihmën që Britania e Madhe mund t’i ofrojë Shqipërisë.