Ky është afati që kryeministri Edi Rama iu vë protestuesve për dialog për investimin 4 miliardë eurosh në Zvërnec. Duke e bërë të qartë që nuk tërhiqet nga projekti, Rama kërkon zgjidhje të situatës deri më 12 qershor, kur Partia Socialiste feston 35-vjetorin e themelimit. “Deri me 12 qershor duhet të mbyllet kjo bisedë...” Nga Fieri, ku mblodhi socialistët në kuadër të përvjetorit të partisë, kreu i qeverisë zbuloi projektin e radhës. “Shumë shpejt, do të sjellim një investim tjetër shumë më të madh, mes Kavajës dhe Durrësit”. Kryeministri ngriti sërish dyshime për ndikime të huaja në protestën, që vijon prej 10 ditësh. “Nuk po them që njerëzit që dalin atje janë agjent, spiunë apo të futur nga forca të errëta, por është një pjesë njerëzish atje që kanë rënë pre e gjithë këtyre gjërave. Shqipëria ka qenë vendi ku bëhej turizëm gjuetie. Njësoj si trafiqet, kishte një sistem të tërë për të sjellë turistë me çifte”.