Pas katër vite debate dhe kundërshtime të forta nga komuniteti medias dhe ndërkombëtarët qeveria hoqi dorë nga miratimi ndryshimeve ligjore përmes të cilave synohej dhënia fund e shpifjes nëpër portalet online. Në vitin 2018 kryeministri Edi Rama shpalosi vendosmëri për të bërë dy ndryshime në ligjin e medias që preknin median online përmes një pakete e njohur si anti-shpifja. Propozimet për detyrimin e portaleve për tu rregjistruar, gjoba të larta kur konsumohej shpifja dhe ngritja e Këshilli i Ankesave si pjesë e AMA-s, erdhën në një kohë kur në Shqipëri ishin identifikuar si aktive rreth 1.000 portale. Megjithëse propozimet shkaktuan pakënaqësi e kundërshtime nga ndërkombëtarët një vit më pas nga shprehja e këtyre propozimeve kryeministri foli me një konfidencë të plotë për ti miratuar ato.