Idea e krijimit të shtetit bektashi brenda shtetit shqiptar shihet si një zgjidhje për të shmangur zhdukjen e këtij komuniteti. Për herë të parë, kryeministri Edi Rama gjatë ceremonisë së 95-vjetorit të Kryegjyshatës Botërore të Bektashinjve në Shqipëri, ju përgjigj kritikave të religjioneve të tjera, duke theksuar se qeveria nuk po i ‘përkëdhel’ bektashinjtë. “S’ka nevojë të mendojë komuniteti mysliman se do të jetë inekzistent, nuk shuhet komuniteti katolik apo ortodoks, ky komunitet është në rrugën e shuarjes, nuk është parashikim, po ndodh para syve tanë. Komunitetet fetare s’kanë arsye të shqetësohen, trajtim i merituar që ka qendrën botërore në Shqipëri, të tjerët do e kishin shpikur kur s’e kishin, ne e kemi gati që ta lëmë të vdesë?! I jep Shqipërisë edhe më shumë dritë, do të thithë këtu më shumë njerëz nga e mbarë bota, mos shiko fenë e tjetrit shiko zemrën e tij, thotë profeti Muhamed, në këto fjalë të një thjeshtësie madhështore qëndron, ne nuk jemi për të ndarë, por për të bashkuar”. Rama shpjegoi si do të jetëzohet plani dhe pse është nevoja që selia e bektashinjve të ketë ngjashmëri me mënyrën si funksionon Vatikani. Historia e bektashinjve është në vetvete thirrja imponuese për t’i dhënë selisë përmes një statusi të ngjashëm si të Vatikanit fuqinë e një embleme, e cila nuk do të përçajë askënd, s’do të kërcënojë askënd, s’do vërë në diskutim, se ça nuk dëgjon njeriu nga shqipot kur u shkon mendja për të bërë ndonjë gjë të re. Shqipëria nuk është shtet federal, por unitar. Ky koncept i ri u lajmërua publikisht vitin e shkuar, që u artikulua nga Rama edhe në OKB e mori e vemendjen e mediave botërore; ku pati tërësisht mbështetjen e Kryegjyshit Haxhi Dede Edmond Brahimaj. I pari i bektashinjve shpreh mirënjohjen mbi idenë dhe vlerëson të domosdoshme përshpejtimin e hapave të kalimit nga fjalët në miratimin e ligjit. Në rrethanat e vështira, bektashianët u vunë në shërbim të vendit duke sakrifikuar edhe jetën për të. Kontributi vijoi deri në çlirimin e vendit e duke mos u ndalur deri në ndalimin e fesë në Shqipëri. Shpresojmë të jetë vit i përmbushjes së domosdoshmërisë për stabilizimin e Statutit juridik të Urdhrit Bektashian. Shprehim mirënjohje qeverisë shqiptare dhe zotit Ramë që është treguar i ndjeshëm ndaj kësaj domosdoshmërie, duke ofruar zgjidhje.