Shqipëria është më pranë se kurrë anëtarësimit në BE, deklaron Edi Rama. Një ditë pas 9 majit, ditës së europës, kryeministri solli në shënimet e javës të podcastit një reflektim mbi standardet e reja në vend. Rama : “Për herë të parë pas shumë dekadash rruga drejt Bashkimit Europian nuk duket më si një horizont i largët, por si një majë tanimë e kapshme me sy dhe e arritshme në kohën që kemi në dispozicion. Negociatat kanë avancuar me ritëm, kapitujt janë hapur në kohë rekord, marrëdhënia me Bashkimin Europian ndërtohet ditë pas dite me rezultate konkrete dhe tani Komisioni Europian dhe vendet anëtare përmes ambasadorëve të tyre janë në një fazë kyçe të procesit ku diskutojnë raportin e Komisionit, i cili nënvizon se Shqipëria i ka plotësuar të gjitha detyrat e shtëpisë. Duke vlerësuar organizimin e Kongresit Botëror të Ligjeve në Tiranë, kreu i qeverisë theksoi mbështetjen ndaj reformës në drejtësi.