Kryeministri Rama deklaroi në Forumin Ekonomik të Delfit në Athinë se Shqipëria, por edhe vendet e tjera të Ballkanit Perëndimor nuk kanë qenë kurrë kaq pranë anëtarësimit në BE. Ne jemi anëtarë të NATO-s. Por prapë, e di, nuk është se vendosim shumë aty. Dhe kur NATO bën diçka të mirë, si për shembull, një Kosovë liberale, themi që bëra një gjë të madhe. Kur NATO bën diçka të keqe, siç ishte largimi nga Afganistani, siç ndodhi, ne themi "Faji është i tyre." Pra, sepse të mëdhenjtë marrin fajin, të vegjlit mund të marrin gjithashtu ndonjë meritë kur ka diçka për të marrë. Por, a kam ndjesinë se Ballkani është një lagje e harruar në këtë panoramë? Jo, nuk kam ndjesinë se Ballkani është harruar. Kam ndjesinë se jemi në kohët më të mira. Në fjalën e tij Rama theksoi se në përpjekjet për të përmbushur kërkesat për integrim, Shqipëria ka bërë një progres të madh në ekonomi dhe në luftën kundër informalitetit. Sigurisht, që po punojmë. Shqipëria ka ende shumë punë, por ka bërë një progres të jashtëzakonshëm. Mjafton tju them se kemi rreth 300 milionë euro më shumë të ardhura krahasuar me vitin e kaluar. Dhe rreth 100 milionë më shumë se plani. Dhe kjo nuk është vetëm rritje, është gjithashtu ngushtimi i hapësirës për ekonominë joformale. Kështu që ne kemi futur edhe inteligjencën artificiale dhe ndjekjen dixhitale dhe kështu me radhë. Kur vjen puna te shteti i së drejtës, sigurisht që kemi disa çështje. Kryeministri shqiptar preku edhe çështjen e pronave duke theksuar se problemet që shkaktoi sistemi komunist për gjysmë shekulli, po trajtohen pa bërë dallime mes shtetasve shqiptarë apo qytetarëve grekë që jetojnë në vendin tonë.