Seriali politik i kryeministrit Edi Rama me ish kryetarin e PD-së, Lulzim Basha ka vijuar deri në mbrëmjen e së mërkurës. Replikat ironike në distancë nisën që nga takimi i Ramës me socialistët e Elbasanit; ndërsa Basha u përgjigj nga makina e tij me ‘Unikatilin’. “Luli nuk evoluon sepse është i përsosur dhe nuk ka çfarë evoluon. Një njeri që gjumi e do aq shumë sa e mban për vete. Ka njerëz që thonë lindin me këmishë. Luli ka lindur me këmishë nate. Një është ai, është njësh!” Kreu i demokratëve euroatlantikë replikoi, duke i kujtuar kryeministrit Edi Rama arrestimet e disa prej eksponentëve të rëndësishëm të PS nga Spak. “Veç mos kaj, veç mos kaj Rame. Me këmishë ë, po çfarë këmishe, këmishë nate apo këmishë burgu? Ku i ke shokët Rame, çfarë këmishe ka veshur Lali Eri? Po Lir Beqja? Vetëm Beni ka shpëtuar për momentin. Hajde Rame, këmish vija vija shokëve. 7×7, 313”. Episodet që po kthehen virale mes dy politikanëve iu shtua edhe një i ri mbrëmjen e së mërkurës, kur Rama iu përgjigj Bashës me “Unikatil dhe u sugjeroi Bashës të vijojë fushatën për votat e demokratëve të Berishës, i cili e largoi nga Partia Demokratike.