Eksponentë të opozitës dhe organizatorë të protestës akuzuan për censurë qeverinë dhe kryeministrin Edi Rama, me pretendimin se ka mbyllur disa llogari në rrjetet sociale të personave që mbështesnin protestat në Tiranë. Pas akuzave që morën mbështetjen edhe të demokratëve evropianë, reagoi kryeministri Edi Rama, i cili sqaroi se qeveria nuk ka asnjë lidhje me çaktivizimin e profileve në rrjetet sociale. “Si mund ta quajnë veten demokratë këta agjitatorë, ndërkohë që publikojnë një insinuatë vizuale kaq të turpshme? Po sikur e gjithë kjo farsë të vijë nga të njëjtat burime dashakeqe që ushqyen të ashtuquajturin “Revolucioni Flamingo”, shumë prej të cilave ushqyen gjithashtu kaosin në Ceuta? Pse? E thjeshtë: për t’i dhënë sërish jetë një “revolucioni” që tashmë është shfryrë. A nuk ka kuptim kjo? Sigurisht që po. Por, me sa duket, jo për këta demokratë vetëm në emër. Prandaj, më lejoni të jem i qartë: ne nuk kemi të bëjmë aspak me çaktivizimin apo kufizimin e ndonjë llogarie në rrjetet sociale dhe as nuk zotërojmë kapacitetin teknik për të kryer një operacion të këtij lloji. Turp për gjithë këtë tufë dështakësh që përhapin marrëzira të tilla”.