Për herë të parë nga podkasti Flasim, kryeministri Edi Rama zbuloi planet e qeverisë për ndërtimin e një partneriteti mes institucioneve shtetërore dhe komuniteteve lokale në zonat turistike, me synim mbrojtjen e natyrës dhe territorit. EDI RAMA- Qeveria synon të zhvillojë projekte pilot me komunitetet që merren me turizëm, të cilat do të organizohen në shoqata dhe do të marrin përsipër angazhime konkrete për ruajtjen e mjedisit. Këto struktura mund të kontribuojnë në sinjalizimin e problematikave në terren, pastrimin e mbetjeve, parandalimin e ndërtimeve pa leje, evidentimin e prerjeve të paligjshme dhe marrjen e masave për reduktimin e rrezikut nga zjarret. Duke e qujtur Lumi e Shalës një brand, kryeministri u shpreh se pasuria natyrore është një pjesë thelbësore e ofertës turistike dhe se dëmtimi i saj mund të ndikojë drejtpërdrejt edhe te aktivitetet ekonomike të komuniteteve.