“Nuk mund t’i them jo 4 miliardëve”! Kështu u shpreh kryeministri Edi Rama në një intervistë për median e njohur gjermane ZDF, teksa foli për protestat që vijojnë në muajin e dytë. Ai shprehet qartë për median gjermane se investimi në Zvërnec do të realizohet. “Nuk mund t’i themi thjesht jo një investimi me vlerë mbi katër miliardë euro. Dhe nëse rezultati përfundimtar nuk është i kënaqshëm, atëherë nuk do të vazhdojmë me të”. Por si do të realizohet projekti, kur në Tiranë po zhvillohen protesta prej më shumë se një muaji? Kryeministri Rama ka një përgjigje.