Kryeministri Edi Rama foli në një intervistë për CNN International lidhur me investimin 4 miliardë euro ne Zvernec. Shefi i qeverisë u shpreh se Shqipëria është shënjestër e një sulmi hibrid nga konkurrenca e turizmit ne rajon, ndërsa shtoi se familja e Donald Trump nuk ka asnjë lidhje me projektin në Zvërnec. “Ne jemi në një luftë hibride. Shqipëria është nën sulm nga armiq që i njohim shumë mirë. Është nën sulm nga konkurrenca shumë e fortë në pjesën tonë të Mesdheut. Është nën sulm nga qindra mijëra profile të rreme, që janë krijuar për të shkaktuar gjithë këtë stuhi. Nuk ekziston diçka e tillë si “ishulli i familjes Trump”. Nuk ekziston diçka e tillë si familja e presidentit amerikan që po merr nën kontroll zonat e mbrojtura me flamingo”. Kryeministri Rama u pyet edhe për protestat që po zhvillohen në vend kundër projektit në Zvërnec. Rama i dha këtë përgjigje gazetares, e cila tha se po bëhet protestë në Tiranë dhe qytetet bregdetare.