“Forbes Global Properties”, rrjeti ndërkombëtar në fushën e pasurive të patundshme, ka hapur dyert në Shqipëri. I ftuar në këtë mbrëmje në Pallatin e Brigadave, ishte edhe Kryeministri Edi Rama. Ai u ndal te pronat e paluajtshme në Shqipëri, duke thënë që vlera e tyre do të rritet pasi Shqipëria të bëhet pjesë e BE-së. “Për 4-5 ne do të jemi pjesë e BE-së dhe historia e anëtarëve të rinj na tregon që vlera e pasurive të paluajtshme person një rritje dyfish. Shumë njerëz nuk e kuptuan atë që po flisja dhe morën pjesën negative. Çdo familje shqiptare që ka një pronë të vetën, që do të ketë një vlerë më të lartë në pak vite. Në një vend që ka përqindje më të madhe të shtëpive që zotërohen nga njerëzit, 94%, është diçka e jashtëzakonshme që vlera e banesës si pasuri të rritet në të tillë mënyrë”. Kryeministri Edi Rama theksoi edhe një herë se Shqipëria është një destinacion shumë tërheqës për kompanitë e huaja. “Është një gjë shumë e mirë të dish që “Forbes” ka një shprehje shumë të fortë interesi për Shqipërinë. Është mirë të dihet që, ata nuk shkojnë kudo, ata shkojnë aty ku mendojnë se ka një horizont të ri. Ky është lajm i mirë për të gjithë ata që janë të përfshirë në industrinë e pasurive të paluajtshme.