Shqipëria së shpejti do të nis mbylljen e negociatave, deklaroi kryeministri Edi Rama. Treguesi më pozitiv as edhe i papritur sipas tij ishte konsensusi i arritur në Parlament mes opozitës dhe mazhorancës për rezolutën e anëtarësimit në BE, që vërteton se nuk ka asnjë pengesë me dorëzimin e raportit të ndërmjetëm. Bashkimi, sado i befasishëm dhe sado i ngutur në “varkën e Shqipërisë europiane”, ku ne jemi aty prej kohësh dhe ku vendin e kanë gjithmonë aty, është plotësisht i mirëseardhur. Do të ishte mirë të ndodhte vazhdimisht kur flasim për anëtarësimin në Bashkimin Europian, por edhe një herë e vetme, prapë se prapë, është një herë me vlerën e vet dhe më vjen mirë po ashtu që, me sa unë kuptoj, e kanë kuptuar që procesi është i pandalshëm, që bllokimi i shumëpërfolur nuk ekziston, që së shpejti do të vijë edhe lajmi i ri dhe i mirë, si të gjitha lajmet për hapjen e kapitujve, të kapërcimit në fazën tjetër të procesit”. Në shënimet e javës, Rama vecoi si zhvillim kryesor edhe vizitën në Gjermani dhe Estoni, që lidhen në këndvështrimin e tij me të ardhmen europiane të Shqipërisë dhe me forcimin e rolit të saj në sigurinë euroatlantike.