8,5 milionë turistë të huaj shijuan Shqipërinë nga janari deri në gusht të këtij viti, ose 1.3 milionë më shumë se në të njëjtën periudhë të një viti më parë, kur numri i vizitorëve ishte 7.2 milionë. Shifrat e turizmit bëri publike vetë kryeministri Edi Rama, I cili tha se krahasuar me 2023-shin, vitin e shpërthimit të Shqipërisë Turistike, sivjet vizitorët e huaj pëfaqësojnë larmishmëri vendesh të origjinës, duke pasur shume prurje nga nga vendet e largëta dhe jo tipike si Meksika, Brazili, Kanadaja, Zelanda e re dhe Australia, por edhe Azerbajxhani, Kina e Japonia. Këto shifra tha Rama premtojnë rritje të mëtejshme në rrugën drejt Shqipërisë së vitit 2030, ndërsa viti turistik vijon me grupe të tëra që shijojnë destinacionet e shumta nga veriu në jug, në majat e maleve, pikat e trashëgimisë kulturore, luginat e lumenjtë përgjatë trupit të mrekullueshëm të Shqipërisë, si edhe në Tiranën e kthyer në stacionin e preferuar të turistëve.