Kryeministri Edi Rama do të nis një tur takimesh për koordinimin dhe vënien në zbatim të porosive që u lanë gjatë dy takime në Pogradec. Top Channel, mëson se të premten ora 17:00 në selinë e PS, Rama takohet me drejtuesit politik dhe ministrat për të avancuar angazhimet e hedhura në dokumentin “Besa”. Po ashtu burime nga PS flasin për nisjen e një turi të kryeministrit në 12 qarqe të vendin. Turi nis me qarkun e Tiranës të shtunën, nga ku Rama bashkë me deputetët do të diskutojnë për të avancuar me zbatimin dokumentin Besa dhe “Pasqyra Albania”. Sipas kryeministrit Edi Rama “Besa” është tanimë një koncept i konsoliduar në themel të pozicionit të parë në raportin shtet-qytetar dhe qytetar-shtet. Pas takimeve në Pogradec duke folur për “Pasqyra Albania tregoi se do të jetë dritarja e vetme unike ku qytetari do të drejtohet, për t’u informuar në kohë reale për gjithçka që bën qeveria e tij, që shteti i tij. Përmes “Pasqyra Albania” synohet marrja e problematikave të ndryshme që të qytetarëve dhe zgjidhja e tyre”.