Kryesocialisti Edi Rama nga Asambleja Kombëtare në Durrës hapi një kapitull të ri për PS 2030 në funksion të ambicies se ku do jetë Shqipëria 20230. Shtroi trasenë mbi të cilën do të ecë, makina elektorale e kësaj force politike, duke nisur me metodologjinë e zgjedhjes së kandidatëve për deputë në betejën elektorale 2025. Është e udhës të ndaj me ju që sot, se më e mira është që deputetët me më shumë se një mandat, pa përjashtuar dhe drejtuesit politikë të qarqeve që hyjnë në këtë kategori, ku bëj pjesë edhe unë personalisht, të jenë në garë të hapur si të gjithë të tjerët, ndërsa në listën e mbyllur do të jenë vetëm pak prej tyre, të cilët do të kenë detyra specifike drejtuese dhe koordinuese. Kjo do të thotë se pjesa kryesore e listës së mbyllur do të jenë deputetë me vetëm me një mandat dhe të rinj e të reja që do të fitojnë vendin në atë listë, duke spikatur prej sot e deri në shkurt në garë individuale nga brenda ose jashtë partisë në mbështetje të shumicës sonë qeverisëse me angazhim politik në vendet e tyre të banimit apo përkatësisë profesionale në terren dhe në rrjetet sociale.