Kryeministri Edi Rama ka folur nga Skrapari për LSI duke thënë se nëse ajo familje qëndron e bashkuar, Shqipëria është në duar të sigurta. Megjithatë thotë se do të ngrinte një gotë rakie për shëndetin e Ilir Metës se ka ngrënë me ta dhe nuk do të donte t’i shihte keq. Rama: U bëmë si shtëpi të çmendurish, bashkohu, ha darkë, festo, ndahu. Ku iku? Iku te mullixhiu. U bë shtëpi e marrë dhe nga kjo fitoi gjithmonë Saliu. Vetëm një herë ka fituar PD në 1992. Në 2005 fitoi se u nda kjo familje, kur ka fituar tjetër? Fitoi në 2009, fitoi se na iku mullixhiu prapë. Po ju them, për sa kohë kjo familje rri e bashkuar, për aq kohë Shqipëria është në duar të sigura dhe nuk ka forcë që e përmbys fuqinë e madhe të bashkimit të kësaj familje. Tani ka arritur në fazën e degradimit përfundimtar. Është ngushtuar rrethi i kandidatëve dhe përfaqësuesve tek krushqia, tek barku i shtëpisë, nuk i besojnë më askujt, e pushkatuan Luan Ramën në mes të Vlorës. U bë simboli i gjallë i asaj këngës “mora luftën, dola malit”. Iku, e pushkatoi në mes të Vlorës.