Shqipëria do të presë vitin e ardhshëm samitin e Komunitetit Politik Europian. Nga Budapesti, përkrah kryeministrit viktor Orban, Edi Rama nuk e fshehu optimizmin për të ardhmen europiane të shqipërisë, për të cilën tha se do të luftojë çdo ditë. “Unë jam tragjikisht optimist për të ardhmen e Shqipërisë, vendi i së cilës është padyshime në Europë, dhe do të luftojmë cdo dite. Na është hapur tashmë një rrugë e re falë presidencës hungareze që i ka shtyrë gjerat përpara, shpresojmë se do te jemi gati të anetërsohemi brenda kësaj decade bashkë me vende të tjera të ballkanit perëndimor. Kemi gjithmonë e më pak argumente për një BE me dy kufij, një të brendshëm e një të jashtëm, një hapësirë që duhet të jetë plotësisht e përbashkuar në mënyrë që të ruhemi nga ndërhyrjet. Të mos vazhdojmë me këtë eksperiment, të të pasurit të një sotmaku që nuk funksionon si duhet brenda një organizmi.. Kryeministri vlerësoi idenë e presidentit francez, për organizimin e samitit të Komunitetit Politik Europian dhe risolli në vëmendje fjalët e tij se në këtë mbledhje janë njerëzit që përfaqësojnë europën e 700 milionë njerëzve. “Siç presidenti i Francës e theksoi sot, nëse numërojmë njerëzit që përfaqësojmë në këtë hapësirë të këtij stadiumi, është Europa e 700 milionëve, është e jashtëzakonshme. Në këtë europë 700 milionëshe ka menyra të ndryshme të të menduarit, ka qëndrime të ndyrshme, por është një numër që të bën të besosh se sa gjera duhet të jenë ndryshe dhe sa gjera mund të bëjmë për të mirën e të gjithë europës nëse këta 700 milionë përfaqësohen në mënyrën më përmbajtësore.” Kryeministri Viktor Orban bëri thirrje për liderët europianë që të marrin më shumë përgjegjësi për të ndalur luftën në Ukrainë. Ai u tregua i drejtpërdrejtë kur tha se për paqen nuk mund të presin gjithmonë ndihmën e Shteteve të Bashkuara të Amerikës. “Ata që duan paqe janë gjithmonë e më të shumtë. Flasim për armëpushim, për jetë njerëzore, flasim për shkatërrimin që sjell lufta. Ata që kanë këtë optike për luftën janë shumica dhe pas zgjedhjeve në shba janë më të shumtë në numër. Sot kemi hedhur një hap të madh përpara për të gjetur një zgjidhje. Cfarë nënkupton fitorja, nuk e kemi perkufizuar këtë. Duhet ta nisim nga fillimi, cili është përkufizimi ynë I fitores dhe ku jemi aktualisht. Duket sikur kemi humbur për momentin, pasi njerëz po vdesin. Kjo nuk është lojë intelektuale, është jetë a vdekje.” Kryeministri orban theksoi se europianët duhet të ndërtojnë vetë arkitekturën e sigurisë së Europës.