Kryeministri Edi Rama mblodhi investitorët e ndërtimit në një takim në kryeqytet, nga ku e cilësoi sektorin që po transformon Shqipërinë dhe po e afron më shpejt drejt Bashkimit Europian. Kreu i qeverisë i vlerësoi të pavenda kritikat e njollosjen ndaj tyre si një industri që shërben për pastrimin e parave. Ndërtimi të futet në botën e krimit është e papranueshme. Është e pamundur për ne të pranojmë që shumica dërrmuese e atyre që investojnë në ndërtim të futen në thesin e baltës . E gjithë kjo që po ndodh me ndërtimin na jep krahë për të shkuar më shpejt në rrugën e anëtarësimit. Be nuk na certifikon letra por transformimin që ndodh këtu. Kjo sipërmarrje sipas kryeministrit po kontribuon në zhvillimin ekonomik të vendit, duke tërhequr edhe vëmendjen e të huajve si dhe emigrantëve shqiptarë të cilët vijnë jo vetëm për pushime por edhe për të blerë apartamente. Për ata që lehin në çdo gjuhë, nga shqipja deri në anglisht dhe në gjuhë të tjera dhe që menjëherë nxitojnë ta kornizojnë këtë transformim si transformimin e krimit, sot që flasim ku projekt ka 350 apartamente të porositura nga vetëm diaspora shqiptare dhe që nuk paguhen me cash, por paguhen me bankë dhe 350 apartamente janë ¼ e apartamenteve që do të ketë gjithë ku kompleks i madh dhe sot janë të porositura.