Kryeministri Edi Rama nuk tërhiqet nga investimi 4 miliardë euro në Zvërnec. Nga Vlora, ku mblodhi socialistët në kuadër të 35-vjetorit të Partisë Socialiste, kryeministri pati këtë përgjigje për protestën në Tiranë, që vijon prej gjashtë ditësh. Mes qindra qytetarëve e mbështetësve në Sheshin e Flamurit në Vlorë, Rama foli për rëndësinë që do ketë projekti në zhvillimin ekonomik të vendit. “Dua t’ju them se sot erdha këtu drejtpërdrejt nga Tivati. Përpara se të transformohej, Tivati ishte një qytet me rreth 10 mijë banorë. Erdhi një investim që e transformoi Tivatin në një vend që sot pret rreth 5 milionë turistë në vit. Ai investim 4 miliardë dollarë në Vlorë, do të bëhet bekim i gjithë Shqipërisë”. Teksa iu përgjigj shqetësimit së protestuesve se po shet Shqipërinë, Rama nuk i kurse dhe sulmet ndaj opozitës.