Kryeministri Edi Rama ka planifikuar zhvillimin e një mbledhje të jashtëzakonshme me grupin parlamentar dhe ministrat. Top Channel duke iu referuar burimeve nga kuvendi mëson se kjo mbledhje do të transmetohet Live. Të njëjtat burime i thanë Top Channel se mbledhja do te mbahet pas pushimit te pashkeve te marten paradite, ku Rama ka kerkuar te mos mungoje asnje deputet. Nuk dihet se cili do te jete mesazhi i Edi Ramës dhe nëse kjo mbledhje mbart brenda saj elementin surprizë nga kryeministri për të tijët. Por mund te merret me mend se ky takim i jashtëzakonshëm, lidhet me çështjet e aktualitetit dhe axhenden e maxhorances ne kushtet kur tema e korrupsionit ka marre vëmendje te veçantë edhe per shkak te disa goditjeve te Spakut, qofte ndaj opozitës po qofte edhe ndaj disa zyrtareve te larte ne institucionet qendrore apo ne Bashkine e Tiranes. Top Channel kerkoi nga zyra e shtypit në kryeministri te mësojë me shume detaje për këtë mbledhje të jashtëzakonshme. No Comment. Ishte përgjigja.