Për marrëveshjen e normalizimit të dakordësuar në Ohër mes Kosovës dhe Serbisë ka ardhur një përshëndetje edhe nga organizata e kombeve të bashkuara. Në një deklaratë të publikuar në faqen zyrtare, Sekretari i përgjithshëm Antonio guterres, shprehet se e mirëpret marrëveshjen për të cilën dy vendet ranë dakord në Ohër, por në asnjë rast nuk përmendet Kosova si shtet. Kryeministri Edi Rama ka reaguar ndaj deklaratës së sekretarit të Përgjithshëm të OKB-së, që marrëveshjen mes Kosovës dhe Serbisë e quan marrëveshje mes “Beogradit dhe Prishtinës”. Rama pyet nëse ky është gabim apo lapsus dhe kërkon sqarim të menjëhershëm. “’Beogradi dhe Prishtina’?! Një gabim serioz apo një lapsus. Emërtimi zyrtar i saj është “Marrëveshja drejt normalizimit të marrëdhënieve Kosovë-Serbi” dhe do të ishte e papranueshme nëse sekretari i Përgjithshëm nuk e ka përdorur qëllimisht emërtimin e duhur. Ju lutem, jepni menjëherë sqarim”. Kosova ende nuk është pjesë e organizatës së kombeve të bashkuara, pasi jo të gjitha shtetet e njohin pavarësinë e saj. Kjo ka qenë dhe një piëk kryesore debati mes dy vendeve, pasi Serbia në mënyrë të vazhdueshme organizon fushata cc’njohje, ndërsa e konsideron si vija e saj e kuqe njohjen e vendit nga OKB. Por, me marrëveshjen e normalizimit Serbia është zotuar se nuk do të pengojë Kosovën të anëtarësohet në BE dhe NATO, pasi janë dy organizma në të cilat nuk është vend pjesëmarrës.