Përballja mediatike mes dy kandidatëve për kryeministër Edi Rama dhe Lulzim Basha mungoi edhe në këto zgjedhje, por dy drejtuesit e partive politike kryesore ne vend do të jenë të ftuarit special të Top Channel në të njëjtën ditë. Në ora 20.00 Kryetari I partise socialiste do jetë përkrah Dorit dhe Devit në emisionin investigativ Fiks Fare, ku do i përgjigjet pyetjeve thumbuese të dy drejtuesve të emisonit, për kundërshtarin politik si dhe për fushatën elektorale të Socialisteve. Ndërkohë, një orë më vonë, në ora 21.00 do jetë radha e Lulzim Bashës për tu përballur me një panel gazetarësh ne emisionin “Open” të drejtuar nga Eni Vasili. Kryedemokrati Basha pritet të reagojë për herë të parë për deklaratën e fortë të ambasadores amerikane Yuri Kim, e cila tha sot se grupime të paautoriozura, të armatozura për të mbrojtur votën janë pjesë e se shkuarës. Basha pritet të reagoje edhe për vrasjen në Elbasan që tronditi fushatën elektorale si dhe ftesat e njepasnjëshme të Edi Ramës për bashkëpunim pas zgjedhjeve. Debati për patronazhistët, fushata e demokratëve në këto zgjedhje si dhe lista e kandidatëve të Partisë Demokratike do të jene në fokusin e debatit politik sonte mbrema në emisonin Open ne Top Channel.