Përpara grupit parlamentar socialist kryeministri Edi Rama shpalosi një mori me pakënaqësi ndaj SPAK. Zhvillimin më të fundit me arrestimin e Erion Veliaj dhe hetime të tjera i vlerësoi si “abuzim të pavarsisë” të prokurorisë së posaçme, pavarësi që sipas numrit një të qeverisë i është dhënë nga PS përmes mbështetjes të reformës në drejtësi. Fillimisht kryeministri foli për rëndësinë e profesionalizmit dhe me garantimin e standardeve demokratike të çdo procesi. Në të kundërt, ne biem në një situatë që ngjan më shumë me të shkuarën sesa me të ardhëm. Pse sepse diktaturë apo republikë hetuesish, Shqipëria ka pasur në të shkuarën. Kjo është një republikë parlamentare, ku në bazë të Kushtetutës pushtetet janë të pavarura. Në të shkuarën kështu veprohej në letër, por kishte një ombrellë që ishte diktatura e proletariatit, e cila funksiononte përmes diktaturës së hetuesve. Hetimet theksoi kryeministri nuk do të kenë ndërhyrje të forcës së tij politike por ama ai dhe forca e tij politike nuk do të bëjnë spektatorin nëse nuk zbatohen standartet në këto hetime.