Kryeministri Edi Rama i shoqëruar nga ministrja e Shëndetësisë, Ogerta Manastirliu dhe ministri i Rindërtimit, Arben Ahmetaj ishte sot në një fasoneri ku ka njoftuar nisjen e vaksinimit për punonjës të kësaj fushe. Rama tha se mbështetja që qeveria do t’i japë biznesit fason do sjellë rritjen e pagës minimale në 400. Po ashtu Rama nuk i ka kursyer edhe batutat me gratë në fasoneri duke thënë se “e rëndësishme të kemi mirë gratë, se burrat pastaj shohim e bëjmë. Rama: Rrogat do ja rrisësh këtyre? Biznesmeni: Nëse kam produkt 100% ka mundësi të shtoj rrogat dhe të bëj trajnim dhe të jem më kompetitiv në treg. Rama: Ne do t’i ndihmojmë këta, këta do ju rrisin rrogat juve. Minimalen do ja çojmë 400 dhe pastaj me mbështetjen që do ju japim do e çojmë më shumë që të bëjmë ‘Made in Albania’. Të jeni mirë me shëndet, vaksinat do ju ndihmojnë edhe më shumë. Se e rëndësishme të kemi mirë gratë, se burrat pastaj shohim e bëjmë.