Një raketë ruse Sojuz rocket është lëshuar sot me 36 satelitë të tjerë të kompanisë britanike të internetit OneWeb. Grupi teknologjik thotë se është tashmë “në gjysmë të rrugës” për të arritur internet global të frekuencës së lartë ‘broadband’. Kompania me bazë në Londër thotë se po punon për krijimin e një ‘konstelacioni satelitësh’ në orbitë të ulët të tokës për të forcuar sinjalin dhe shërbimet e internetit në planet. Grupi thotë se shërbimet e tij të rrjetit te tyre global komercial do të asistohen nga 650 satelitë. Me lëshimin e fundit ata thonë se numri i tyre ka arritur në 394 . Raketa ruse e operuar nga grupi evropian i aeronautikës Arianes, u lëshua nga kozmodromi i Baikonur në ish-republikën sovjetike të Kazakstanit. OneWeb thotë se po konkuron për krijimin e rrjetit të shpejtë të internetit me miliarderin Elon Musk dhe kolegun e tij Jeff Bezos. Grupi Arianespace, i cili bashkëpunon me Rusinë prej dy dekadash, kishte në kontratë 16 lëshime të tilla nga fundi i 2020 deri në fund të 2022.