Mëngjesi i kësaj të hëne ka shënuar një shtim të konsiderueshëm të fluksit të lëvizjeve në Pikën e Kalimit Kufitar të Kakavijës. Emigrantet që kanë kaluar pushimet në Shqipëri kanë nisur kthimin drejt vendeve ku jetojnë dhe punojnë, duke shkaktuar radhë dhe pritje në një prej pikave kryesore të kalimit kufitar me Greqinë. Pala shqiptare po punon me tre sportele në dalje dhe dy në hyrje, ndërsa pala greke funksionon vetëm me një sportel në hyrje. Kjo ka sjellë ngadalësim të lëvizjes dhe krijimin e radhëve në pikën kufitare.Sipastë dhënave të Policisë së Shtetit, gjatë 24 orëve të fundit në Kakavijë janë përpunuar gjithsej 11,534 shtetas, prej të cilëve 3,932 në hyrje dhe 7,602 në dalje. Nderkohe, në të njëjtën periudhë janë përpunuar 3,228 mjete, nga të cilat 1,046 në hyrje dhe 2,182 në dalje. Fluksi pritet të vijojë edhe gjatë ditëve në vazhdim, për shkak të kthimit të emigrantëve pas përfundimit të sezonit të pushimeve.