Qindra policë dhe ushtarakë ruajnë qendrën gjyqësore në kryeqytetin Quito ku ndodhet lideri indigjen Leonidas Iza, pasi u arrestua në protesten e të hënës. Kreu i shoqatës së kombësive indigjene të Ekuadorit ishte në krye të një proteste kombëtare kundër ngritjes së çmimeve të karburanteve dhe kostove të jetesës. Policia tha se Iza është arrestuar në Pastocalle, 20 kilometra në jug të kryeqytetit, i dyshuar për ‘shkelje të paspecifikuara’. Qyteza ka qenë epiqendra e protestave të popujve indigjenë kundër rritjes së kostove të jetesës, gjatë të cilës protestuesit bllokuan rrugët në të gjithë vendin. Organizata indigjene konfirmoi arrestimin e tij duke e dënuar si akt "arbitrar e ilegal" ai bëri thirrje për reagim duke "radikalizuar demonstratat". Në vitin 2019, grupet indigjene organizuan protesta të ngjashme ku 11 vetë humbën jetën dhe detyruan presidentin Lenin Moreno të ndalonte planet për heqjen e subvencioneve të karburanteve. Shoqata e grupeve indigjene ka meritën e rrëzimit të presidentëve nga viti 1997 deri në 2005. Por presidenti Guillermo Lasso paralajmëroi se qeveria nuk do të lejojë bllokimin e rrugëve apo instalacioneve të naftës së Ekuadorit.