Institucioni shtetëror me më shumë kallëzime penale dhe civile në prokurori dhe gjykata është kadastra. Problemet me pronat, dhe legalizimet janë në krye të listës. Në një raport të qendrës Fol, mbështetur nga ambasada amerikane, janë renditur të dhënat e padive që qytetarët kanë kundër institucioneve shtetërore. Të dhënat tregojnë se institucioni shtetëror që shkakton më shumë probleme për qytetarët, është zyra e kadastrës. Në 578 raste të korrupsionit të referuara pranë organeve proceduese, rezulton se numrin më të lartë të subjekteve të përfshira e mbajnë zyrtarët dhe ish zyrtarët e Agjencisë Shtetërore të Kadastrës e më pas të Drejtorive Rajonale Rurale dhe Inspektoriatit Kombëtar të Mbrojtjes së Territorit, sërish për cështjen e pronave. Në vend të dytë për padi për korrupsion është sistemi i drejtësisë. Qytetarët ankohen se zyrat e kadastrës nuk ju kthen përgjigjie ose nuk ju regjistron pronën, nuk ju nxjerr aktet e pronës, ose u janë tjetërsuar pronat. Raporti përfshin një periudhë monitorimi një vjeçare nga nëntori i vitit 2020 deri në nëntor të vitit 2021.