Lëshohet një urdhërarrest për fituesen e Ukrainës në Festivalin Evropian të Këngës në “Eurovision” 2016, Jamala. Këmgëtarja nga Krimea është vënë nën akuzë nga Prokuroria e Moskës se ka ka përhapur informata “të rrëme” për përfshirjen e Forcave të Armatosura të Rusisë në pushtimin e Ukrainës. Susana Dzhamaladinova, siç quhet zyrtarisht këngëtarja u vu në kërkim nga ministria e Brendshme e Rusisë në fillim të muajit nëntor, pikërisht për të nëjtën akuzë. Ndërkohë në prill të vitit 2022, Ministria e Jashtme e Rusisë e futi atë në listën e artistëve ukrainas të cilëve u ndalohet hyrja në Rusi për 50 vjet. Shkak për këtë u bë kënga e vitit 2016, një baladë me të cilën Jamala fitoi Festivalin Evropian të Këngës “Eurovision”. Balada përshkruante dëbimin brutal të tatarëve të Krimeas nga Krimea për në Azinë Qendrore në vitin 1944 nga diktatori sovjetik Joseph Stalin. Ndërkohë gjatë këtij viti, Jamala regjistroi edhe një album me titullin “Krimea”, në të cilin mblodhi këngë të lashta për popullin e vet. Ajo është ndër ato personazhe që e ka ngritur vazhdimisht zërin kundër aneksimit të Krimesë nga Rusia më 2014 dhe kundër agresionit të armatosur rus në Ukrainë. Pamjet: AFP