Në kulmin e lëvizjeve, në një zonë të populluar në Shkoder, u qellua 5 herë me arme zjarri ndaj një automjeti Range Rover, në pronësi të shtetasit Sokol Kajoshi, pronar i një ferme kuajsh. Autori dyshohet se lëvizte në këmbë kur i është afruar automjetit dhe ka qëlluar me pistolete. Fatmirësisht nga të shtënat, plumbat nuk kanë shkaktuar të plagosur por vetëm dëme materiale, teksa drejtuesi i mjetit është larguar me shpejtësi. Makina është në pronësi të Sokol Kajoshit, por në drejtimin e automjetit dyshohet se ka qenë njëri prej dy djemve të tij, Arjon Kajoshi boksieri i kombëtares shqiptare ose djali tjetër Arlind Kajoshi, qe merret me sportin e hipizmit, por në muajin Qershor u përfshi në ngjarjen e rendë të dhunimit me mjete të forta të Vladimir Brucit, duke e lënë të plagosur rendë. Policia asokohe shpalli 6 persona në kërkim, mes të cilëve edhe Arlind Kajoshin si autor të dyshuar të ngjarjes. Policia e Shkodrës ka marrë disa persona në pyetje si deshmitarë të të shtenave ndaj mjetit Range Rover si dhe ka marrë në mbikëqyrje kamerat e sigurisë. Sipas të dhënave të para, dyshohet se personi qe ka qelluar në drejtim të automjetit është Alban Bruci, i biri i Vladimir Brucit qe u dhunua në muajin Qershor.