Presidenti ukrainas, Volodymyr Zelensky, ka udhëzuar zyrtarët ukrainas të sqarojnë detajet e një propozimi të presidentit rus Vladimir Putin, për të shpallur një armëpushim më 9 maj, Ditën e Fitores në Rusi. Në përgjigje të këtyre raporteve, Zelensky duket se ka sugjeruar edhe ai uljen e përkohshme te armëve. “I kam kërkuar përfaqësuesve tanë të kontaktojnë ekipin e presidentit të Shteteve të Bashkuara dhe të sqarojnë detajet e propozimit të Rusisë për një armëpushim afatshkurtër,” deklaroi kreu i shtetit ukrainas. Kievi sipas tij, kërkon paqe dhe po ndërmerr hapat e nevojshëm diplomatikë për ta çuar këtë konflikt drejt fundit. “Ne do të sqarojmë se për çfarë bëhet fjalë saktësisht, nëse është fjala për dicka të përkohshme lidhur me paradën apo për një gjëmë të madhe së kaq,” shtoi ai. “Propozimi ynë është një armëpushim afatgjatë, me siguri të besueshme dhe të garantuar për njerëzit, dhe një paqe e qëndrueshme. Ukraina është e gatshme të punojë drejt paqes në çdo format dinjitoz dhe efektiv”, ishte komenti i tij. Një ditë më parë, një ndihmës i Putinit, Yuri Ushakov, pohoi se shefi i Kremlinit kishte zhvilluar një telefonatë me Donald Trump, gjatë së cilës tha se është shprehur i gatshëm të shpallë një armëpushim më 9 maj. Pas telefonatës, Trump zbuloi detajet e bisedës, duke e përshkruar si “shumë të mirë”, dhe përcolli shpresën se një zgjidhje për luftën ruso-ukrainase mund të vijë “relativisht shpejt”, ndërsa shtoi se i kishte propozuar Putinit një “armëpushim të vogël”.