Presidenti i rusisë vladimir putin firmosi ligjin e luftës në katër rajonet e ukrainës ku u mbajtën referendume, ne Kherson, Zaporizhzhia, Luhansk dhe Donetsk. Por komuniteti ndërkombëtar nuk i njeh rajonet e pushtuara nga rusia. Presidenti rus vendosi ligje të ngjshme edhe në tetë rajonë të tjera përfshirë Crimenë që ndodhen në kufi me Ucrainën. Putin gjithashtu ngarkoi qeverinë të përgatisë një dekret për të ngritur një këshill special kordinimi nën drejtimin e kryeministrit të rusisë që do mbikqyrë këto rajone. Në dekret thuhet se jo vetëm forcat e rendit duhet të jenë vigjilente mbi këto rajone, por i gjithë aparati shtetëror. Njoftimi u dha gjatë këshillit të sigurisë kombëtare që u mblodh të mërkurën në rusi. Ndërkohë që putin bënte këto deklarata, autoritetet në Kherson një nga katër rajonet e pushtuara i bënin thirrje popullatës që të largohej nga banesat pasi pritet një sulm i ushtrisë ukrainase. Parashikohet që në orët në vijim në Kherson të nisë një betejë e ashpër mes trupave ukrainase dhe atyre ruse. Ligji i luftës që hyn në fuqi të enjten, parashikon ndalim qarkullimit te njerzve, automjeteve dhe mallrave, rritjen e kontrolleve në këto zona nga ana e ushtrisë, ndalimin e grumbullimeve, si dhe një shtim të pushtetit në duart e ushtrisë dhe policies vendase. Pamjet: AFP