Presidenti rus, Vladimir Putin i është drejtuar Perëndimit duke thënë se Rusia është teknikisht gati për luftë bërthamore, dhe se nëse SHBA dërgonte trupa në Ukrainë, do të konsiderohej një përshkallëzim i konfliktit. Reuters shkruan se Putin, duke folur përpara zgjedhjeve të 15-17 marsit, shtoi se skenari i luftës bërthamore nuk po “nxitohet” dhe se nuk e sheh nevojën për përdorimin e armëve bërthamore në Ukrainë. “Nga pikëpamja ushtarako-teknike, sigurisht jemi gati”, tha Putin, duke shtuar se SHBA e kupton se nëse vendosin trupa amerikane në territorin rus, ose në Ukrainë, Rusia do ta trajtonte këtë veprim si një ndërhyrje. Putin sinkron/ Ne jemi të gatshëm të përdorim armë, duke përfshirë këtu çdo armë, nëse bëhet fjalë për ekzistencën e shtetit rus ose për dëmtim të sovranitetit dhe pavarësisë sonë. Moska pretendon se ka aneksuar katër rajone të Ukrainës dhe thotë se tani ato janë plotësisht pjesë e Rusisë. “Në SHBA ka mjaft specialistë në fushën e marrëdhënieve ruso-amerikane dhe në fushën e kufizimit strategjik. Prandaj, nuk mendoj se ka arsye nxitimi për luftë bërthamore, por jemi gati”, tha Putin. Pamjet: AFP