Presidenti rus Vladimir Putin paralajmëroi Perëndimin të mos kalojë "vijën e kuqe" me Rusinë dhe dënoi atë që ai e quajti një komplot për grusht shteti në Bjellorusi. Paralajmërimi i tij erdhi gjatë fjalimit vjetor të drejtuar kombit, të cilin shefi i Kremlinit e mbajti ne mesin e tensioneve të shtuara me vendet perëndimore si për shkak të situatës së renduar ne kufirin me Ukrainën, ashtu dhe për gjendjen e kritikut të burgosur të Putinit Alexei Navalny. Përdorimi i sanksioneve të padrejta po rritet e po kthehet në në diçka më të rrezikshme: një përpjekje për grusht shteti në Bjellorusi. Ne duam të ndërtojmë marrëdhënie të mira me vendet e tjera, nuk duam t`i djegim urat e komunikimit, por nëse dikush i interpreton si dobësi qëllimet tona, reagimi ynë ka për të qenë asimetrik, i shpejtë dhe i ashpër. Në 17 Prill autoritetet Bjelloruse njoftuan se kishin zbuluar një komplot të mbështetur nga SHBA. për të vrarë Presidentin Lukashenko. Ata thanë se kishin pasur për këtë edhe ndihmën e shërbimit sekret rus, FSB. Pretendimet për grusht shteti u hodhën poshtë me forcë nga liderja e pozitës bjelloruse Svetlana Tikhanovskaya, e cila i përshkroi si një "provokim" te paster. Putini e beri te qarte se rusët, do ta vendosin vetë se “ku është vija e kuqe". Së fundi, ka raporte se në zonat kufitare me Ukrainën, Rusia ka dërguar më shumë se 100 mijë ushtarë. Putini ndërkohë, që gjatë fjalimit të tij u kollit disa herë, këmbënguli që popullata ta vaksinohet sepse sic tha, nuk ka mënyrë tjetër për të shpëtuar nga pandemia.