Ish-kontraktori i inteligjencës amerikane, Edward Snowden, i cili zbuloi informacione sekrete tw operacioneve të vëzhgimit të inteligjencës amerikane, ka marrw shtetësinw ruse. Dekreti u nënshkrua nga presidenti rus Vladimir Putin të hënën. Snowden, 39 vjeç, ka jetuar në Rusi që kur ekspozoi programin e Agjencisë Kombëtare të Sigurisë (NSA) që prekte miliona amerikanë në vitin 2013. Zyrtarët e lartë të inteligjencës amerikane kishin këmbëngulur publikisht se NSA nuk kishte mbledhur kurrë me vetëdije të dhëna nga telefonat privat tw qytetarwve, derisa Snowden ekspozoi prova për të kundërtën.. Pas zbulimit, zyrtarët thanë se programi i mbikëqyrjes së NSA-së kishte luajtur një rol vendimtar në luftën kundër terrorizmit të brendshëm. Pasi ia kishte dorëzuar këto dokumente gazetarëve të Washington Post dhe The Guardian, Snowden ishte larguar nga Shtetet e Bashkuara dhe kishte shkuar në Hong Kong, e nga aty drejt Moskës. Në Moskë kaloi një kohë të pacaktuar në një zonë tranziti në aeroportin Shermetyevo, ku më pas presidenti rus i dha azil të përkohshëm në një kohëzgjatje prej një viti. Në gusht të vitit 2014, mori lejeqëndrimin trevjetor, që i mundësoi të udhëtojë jo vetëm brenda Rusisë por edhe të largohet nga ai vend.Pasi mori lejeqëndrimin e përhershëm, në nëntor të vitit 2020 Snowden ka kërkuar t’i jepet shtetësia nga Rusia. Autoritetet amerikane prej vitesh kërkojnë që Snowden të rikthehet në Shtetet e Bashkuara, për t’u ballafaquar me drejtësinë nën akuzën për spiunazh/.Snowden është akuzuar në SHBA për zbulimin e rreth 1.5 milion dokumenteve sekrete.Nëse dënohet në SHBA, ai përballet me 30 vjet burgim. Pamjet: AFP