Teksa të gjithë bien dakord që lufta në Ukrainë ka hyrë në një fazë të re të rrezikshme, me shpalljen e urdhrit për mobilizim të trupave nga presidenti Vladimir Putin, Amerika ka shtuar ndihmën e saj për Ukrainën. Administrata Biden njoftoi të mërkurën 1.1 miliardë dollarë ndihmë shtesë për sigurinë për Ukrainën, duke e çuar angazhimin e SHBA në më shumë se 16.2 miliardë dollarë që nga pushtimi i Rusisë në fund të shkurtit. Paketa amerikane përbëhet nga 18 sisteme raketash artilerie të lëvizshmërisë së lartë, ose sic njiihen ndryshe HIMARS, si dhe municione për ato sisteme, 150 automjete të blinduara , 150 automjete taktike për tërheqjen e armëve, 40 kamionë dhe 80 rimorkio për transportimin e pajisjeve të rënda, dy radarë për sisteme ajrore pa pilot, 20 radarë me shumë misione si dhe sisteme të sigurta komunikimi dhe mjete të tjera blindimi. Pamjet: AFP