Janë përcjellë këtë të enjte për në banesën e fundit Bleona Çelaj, 24 vjeçe, dhe dy fëmijët e saj të mitur, 1 dhe 3 vjeç, të cilët humbën jetën tragjikisht pas zjarrit që përfshiu banesën e tyre në fshatin Domen të Postribës. Një ditë pas ngjarjes së rëndë, grupi hetimor vijon punën për zbardhjen e rrethanave. Ndaj trupave të pajetë janë kryer ekzaminimet, ndërsa në vendngjarje janë gjetur edhe mbetje të një bombole gazi, e cila dyshohet se mund të ketë shkaktuar shpërthimin. Sipas hetimeve paraprake, ngjarja ka ndodhur aksidentalisht. Nderkohe nena e vajzes ne kushtet e tronditjes dhe ne nje deklarate paraprake per grupin hetimor ka deklaruar se vajza nuk ka patur nje marredhenie te mire me te shoqin kohet e fundit. Vete Bashkëshorti i 24-vjeçares ka treguar se në momentin kur ka rënë zjarri ndodhej ne nje dyqan, rreth 20 minuta larg në këmbë, në qendër të fshatit, ku kishte shkuar për të blerë disa gjëra për familjen. Fakti që banesa ndodhej në një zonë të izoluar dhe pa shtëpi të tjera pranë ka bërë që zjarri të konstatohej me vonesë. Terreni i vështirë malor dhe mungesa e një njoftimi të menjëhershëm kanë qenë faktorë që kanë ndikuar në tragjedinë e rëndë.Familja Çelaj jetonte në Gjermani, ku ishin të pajisur me dokumente qëndrimi, dhe kishin ardhur disa ditë më parë në Shqipëri për pushime.