Tradita e rritjes së gjetheve të duhanit vijon prej të paktën pesë gjeneratash për Iurisniel Cabrera, një nga prodhuesit e cigareve puro emblematike Havana. "Puna jonë është ta rrisim, ta thajmë, ta përpunojmë dhe t’ia shesim qeverisë”, thotë fermeri 35 vjeçar, ulur pranë babait dhe xhaxhait të tij. Por pas muajsh përgatitje të tokës, mbjelljeje e korrjeje, Iurisniel paraljmëron se prodhimi i sivjetshëm nuk do të jetë aq i mirë dhe masa e shitjeve do të bjerë. "Kemi mungesë fertilizuesish dhe pesticidesh për insektet, prandaj gjethja nuk ka cilësi të mjaftueshme”, thotë fermeri, duke vendosur me shkathtësi gjethet në raftin e drunjtë të tharjes. Gjethet vendosen për t’u tharë në ‘kuxhe-t’ e drunjta, në orientimin e caktuar për masën e dritës së diellit, drejtimit te erës dhe lageshtinë. Ashtu si fermerë të tjerë duhani në zonen Pinar del Río, ku prodhohet 65% e purove kubane, familja e Iurisniel i shet qeverisë 95% të prodhimit dhe 5% e konsumon për vete. Edhe të tjerë fermerë ankohen se qeveria u ka siguruar nitratet por jo fertilizuasit, me të cilët gjethet bëhen më të shkëlqyera e më të mëdha.