Një 17-vjecar është paraqitur në spital për ndihmë mjekësore pasi është plagosur me thikë nga një 24-vjeçare. Policia bën me dije se i mituri është futur në një banesë në Tiranë, e cila përdorej për prostitucion, dhe 24-vjeçarja që ndodhej aty e ka plagosur. Policia ka vënë në pranga të dy ata, ndërsa është proceduar edhe një 30-vjeçar. “Specialistët kryen veprimet procedurale për arrestimin e shtetases S. Sh., 24 vjeçe dhe të një 17-vjeçari, si dhe referuan materialet në Prokurori, ku nisi procedimi penal për shtetasin M. B., 30 vjeç, pasi dyshohet se 24-vjeçarja ka dëmtuar me mjet prerës, të miturin, i cili ka tentuar të vjedhë me dhunë, në banesën ku shtetasja ushtronte prostitucion”, njofton policia. Nga kontrolli në banesë, u gjet një sasi lënde narkotike kokainë që dyshohet se përdorej nga 30-vjeçari.