Një 19 vjeçar është kapur dhe gjobitur pasi publikoi në rrjete sociale një video duke ecur me shpejtësi jashtë normave të lejuara në një zonë të banuar të Fierit. Menjëherë pas videos në të cilën shfaqet 19-vjeçari A. A., i cili drejton mjetin me shpejtësi tejet të lartë, shërbimet e Policisë Rrugore të Fierit kanë bërë të mundur lokalizimin e automjetit që shfaqej në video, si dhe kapjen e drejtuesit. Ndaj tij u vendos masa administrative 40 000 lekë të rinj për shkelje të nenit 139, pika 3 të Kodit Rrugor.