Marjana Koçeku nuk do të jetë më pjesë e Partisë Socialiste në Kuvend. Ajo ka njoftuar largimin nga PS dhe vijimin e mandatit të saj si deputete e pavarur. Lajmi është bërë publik përmes një statusi të saj në rrjetet sociale, ku ajo thekson se vendimi lidhet me bindjet dhe vlerat personale, të cilat sipas saj kanë qenë të pandryshuara para dhe gjatë angazhimit të saj politik. Koçeku shkruan:“Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojne kufijtë.” Marjana Koçeku ishte renditur e para në listën e kandidatëve për deputetë të Partisë Socialiste në qarkun Shkodër në zgjedhjet parlamentare, një pozicion që i ishte besuar nga kryeministri Edi Rama. Zgjedhja e saj u konsiderua atëherë si një surprizë, pasi ajo vinte nga fusha e turizmit dhe jo nga karriera e mirëfilltë politike, duke u njohur si një nga të rinjtë që kanë kontribuar në promovimin e imazhit turistik të Shqipërisë, veçanërisht në veri. Deri tani nuk ka një reagim zyrtar nga Partia Socialiste