Këshilli Bashkiak i Klosit ka dalë kundër projektit për shkrirjen e këtij institucioni dhe bashkimin e tij territorial me Bashkinë e Matit. Në një mbledhje të shoqëruar me debate këshilltarët vendorë kanë shprehur vullnetin e tyre për të mos lejuar humbjen e autonomisë. Gjatë votimit të hapur, nga 13 këshilltarët që ishin të pranishëm në sallë, 12 prej tyre kanë votuar kundër shkrirjes së bashkisë, ndërsa vetëm njëri ka zgjedhur të abstenojë. Mësohet gjithashtu se një grup prej 8 këshilltarësh të Partisë Demokratike dhe Partisë Socialiste zgjodhën të bojkotojnë procesin e votimit, duke mos u paraqitur. Ky bojkot i përbashkët i palëve kryesore politike ka ngritur pikëpyetje por, por nuk ka arritur të bllokojë vendimmarrjen e kuorumit të pranishëm që vulosi votën kundër bashkimit me Matin. Qëndrimi është shoqëruar edhe me një raport të detajuar të dëgjesave publike të realizuara me qytetarët e Klosit dhe do t’i përcillet Kuvendit të Shqipërisë për shqyrtim.