Komisionerja për Zgjerim e Bashkimit Evropian, Marta Kos, ishte kryefjala e protestës në Tiranë, në ditën e saj të 17. Një ditë pas deklaratës së saj se Komisioni Evropian ka marrë garanci nga qeveria shqiptare për projektin në Zvërnec, protestuesit shqiptarë sulmuan zyrtaren e lartë të unionit dhe dhanë mesazhin se nuk tërhiqen. Në ditën e 17, protesta në Tiranë, nisur nga projekti i Zvërnecit, u la në dorën e të rinjve. “Pa rini nuk ka Shqipëri”, ishte slogani që shoqëroi tubimin, ku podiumi ju dorëzua studentëve në një bashkëbisedim me Edi Ramën për së largu poshtë zyrës së tij. Protesta pritet të ndryshojë orarin e grumbullimit, duke e shtyrë mbledhjen 1 orë më vonë në 19:00, për shkak të vapës. Ndërsa u përsërit kërkesa për rrëzimin e sistemit politik 35 vjeçar, u vu theksi se protesta qytetare nuk lufton partitë, por kryetarët e tyre.