Dy ditë pas protestës së të rinjve në Bulqizë, një protestë tjetër e njoftuar në rrjetet sociale për vrasjen e 15-vjeçarit Erjon Boba mblodhi në Durrës pak qytetarë. Pjesëmarrja e ulët e rëndoi më tej atmosferën për humbjen e të miturit. Halla e Erionit kërkoi më shumë mbështetje, solidaritet qytetar dhe drejtësi për ngjarjen që tronditi vendin. Sipas saj, protesta ishte një thirrje publike për të gjithë dhe veçanërisht institucionet që të ndërhyjnë me masa parandaluese, në mënyrë që tragjedi të tilla të mos përsëriten. Pjesëmarrësit theksuan nevojën për hetim të plotë e të paanshëm, duke theksuar se Erjoni dhe Martini nuk duhet të mbeten thjesht një statistikë e dhunës mes adoleshentëve.