Në pamje shihet një protestë gjigante në Lahore, qyteti i dytë më i madh të Pakistanit kunër komenteve anti muslimane nga dy zyrtarë të partisë në pushtet në Indinë fqinje. Protestuesit i bënin thirrje qeverisë të vepronte ndaj Indisë, për komentet ofenduese të zyrtarëve për profetin musliman Muhamed. Ndërsa në Indi policia hapi zjarr dje ndaj njerëzve që protestonin në qytetin lindor të Ranchi pasi mijëra muslimanë dolën sërish në rrugë për të dënuar komentet anti-muslimane të dy zyrtarëve. Zemërimi i gjerë ka përfshirë pakicën muslimane në Indi kur një zëdhënëse e kryeministrit Narendra Modi bëri komentet ofenduese fetare gjatë një debati të ndezur televiziv. Një zëdhënës i policisë në Ranchi tha: "Policia u detyrua të hapte zjarr për të shpërndarë protestuesit, çka rezultoi në vdekjen e dy prej tyre”. Në të tjera demonstrata në Indi turma të mëdha dogjen efigji të zëdhënëses së kryeministrit Nupur Sharma, e cila është larguar tashmë nga postet.