Duke mbajtur një trëndafil të kuq në dorë dhe me grushtin lart, mijëra mbështetës të Partisë Komuniste greke këndojnë internacionalen ,në sheshin përballë parlamentit në Athinë në mitingun e tyre tradicional të festës ndërkombëtare të punëtorëve , 1 Majin. Në mesazhin e tij me vështrimin nga zgjedhjet parlamentare të vendit 20 ditë më vonë, lideri I kësaj partie ka kërkuar votën e të gjithëve për të mirën e popullit. Dhimitris Koutsoumbas Sekretar I Përgjithshëm I PKK Në zgjedhjet e 21 Majit forcojmë Partinë Komuniste greke , që të jetë I fuqishëm edhe populli ynë, të jetë e fuqishme lëvizja punëtore popullore dhe të fuqizohet aleanca sociale e klasës punëtore. Përveç përkrahësve të partisë komuniste ,ku merrnin pjesë edhe të ftuar nga sindikatat e majta franceze, edhe konfederatat e nënpunësve të sektorit shtetëror edhe atij privat kanë protestuar duke ngritur zërin për të drejtat e tyre dhe kontrata më të mira pune ,në një moment kur infancioni lartë ka sjellë rritje galopante të çmimeve . Por ajo që ka rënë në sy këtë vit në Greqi ka qënë postimi që ka bërë kryeministri grek Mitsotakis në llogarinë e tij të hapur para pak ditësh në tiktok, një përshëndetje e para e këtij lloji nga një konservator, ku “ka theksuar se politikat pro-punëtorëve nuk janë të majta dhe ka paraqitur dhjetë programe që ka zbatuar qeveria e tij në këto katër vite ,mes të tjerash rritja e pagës minimale.