Top Channel/ Protesta e katërt për pensionet, Sindikatat paralajmërojnë qeverinë se do bllokojnë Francën

Sindikatat dhe qytetarët në francë shpresojnë që të dëgjohen nga ekzekutivi, në rast të kundërt ata thonë se janë të gatshëm të "bllokojnë Francën" më 7 mars. Demonstratat mblodhën në sheshe gati 1 milionë persona, 93,000 vetëm në Paris njofton Ministria e Brendshme. Përpara nisjes së tubimit në kryeqytet, drejtuesit e tetë sindikatave kryesore premtuan se do të rimblidhen për herë të pestë më 16 shkurt. Ata thanë gjithashtu se ishin të gatshëm "ta përshkallëzojnë lëvizjen e tyre dhe ta bllokojnë francën më 7 mars, nëse qeveria dhe Parlamenti nuk dëgjojnë thirrjet e qytetarëve francez. Sipas sindikalistit Philippe Martinez topi tani është në fushën e ekzekutivit, ndërsahomologu i tij Laurent Berger, tha se do ti lëmë pak kohë qeverisë nëse duan të reagojnë. Edhe punonjësit e Hekurudhave thonë sindikatat po planifikojnë të bëjnë grevë. Ndërkohë një në dy fluturime u anulua në Orly për shkak të greves së paparashikuar nga kontrollorët e trafikut ajror. Në tabelat shkruhej"Macron ne e dimë që po na vidhni", "Unë nuk jam Dalida, nuk dua të vdes në skenë". Tubimet u zhvilluan përgjithësisht të qeta, përveç disa incidenteve në Rennes dhe Paris, ku u arrestuan tetë persona. 10,000 policë dhe xhandarë u mobilizuan, duke përfshirë 4,500 në kryeqytet. sindikatat në francë janë kundër idesë së presidentit marron që kërkon të ndryshojë moshën e daljes në pansion nga 62 në 64 vjec Pamjet: AFP