Bangladeshi vendosi shtetrrethim ushtarak pasi policia nuk arriti të shuante protestat e përhapur në të gjithë vendin. Përleshjet e kësaj jave midis demonstruesve studentë dhe policisë kanë vrarë të paktën 105 njerëz. Protestat janë kundër qeveris autokratike të Sheikh Hasina prej 15 vite kryeministre. Policia në kryeqytetin Dhaka më herët ndërmori hapin drastik për ndalimin e të gjitha tubimeve publike për herë të parë që nga fillimi i protestave -- në një përpjekje për të parandaluar më shumë dhunë. Megjithatë, kjo nuk ndaloi një raund tjetër konfrontimesh midis policisë dhe protestuesve rreth qytetit prej 20 milionë banorësh, pavarësisht një mbylljeje të internetit që synonte të pengonte organizimin e mitingjeve. Protestuesit thonë se do vijojnë revoltën deri në dorëheqjen e kryeministrit të cilin e akuzojnë për vrasjet. Studentët protestues sulmuan një burg në rrethin qendror të Bangladeshit Narsingdi dhe liruan të burgosurit e tij përpara se t'i vinin zjarrin objektit. Vetëm të premten u vranë 52 persona në protesta.