Në Iran kanë nisur protesta pas helmimit të nxënësve të shkollave të cilat janë shtruar në spital. Javën e kaluar, zëvendësministri i shëndetësisë Younes Panahi tha se sulmet e dyshuara kishin për qëllim mbylljen e arsimit për vajzat. Rastet e helmimit me gaz janë raportuar në më shumë se 52 shkolla në të gjithë Iranin që nga fundi i nëntorit. Nxënëset femra kanë raportuar se kanë pasur simptoma të tilla si gulçim, të përziera dhe marramendje pas zbulimit të aromave "të pakëndshme" ose "të panjohura", duke shkaktuar frikë tek prindërit dhe thirrje që autoritetet të veprojnë. Shefi i gjyqësorit në iran tha se individët e arrestuar për helmimin e nxënëseve do të dalin në gjyq dhe do të akuzohen për "korrupsion " -- një akuzë që do të çonte në dënim me vdekje. zyrtarët iranianë nuk kanë njoftuar për ndonjë arrestim deri më tani. Rasti i parë i helmimit thuhet se ndodhi në fund të nëntorit në qytetin e shenjtë të Qom në jug të Teheranit.